Йирик клублар қисқа, ўрта ва узоқ муддатда режа тузадилар. "Реал" яқин вақт ичида Дани Карвахаль билан шартномани узайтиришни режалаштирмоқда, бу ҳақда аввалроқ айтиб ўтгандик.
Шу билан бирга, мадридликлар Карвахалнинг ўрнини ким эгаллаши ҳақида аллақачон ўйламоқда. Бу фикрлар ўринли, чунки 2024/2025 йилги мавсумда Дани 33 ёшга тўлади.
AS нашри хабар беришича, Мадрид клуби тарбияланувчиси бўлган Ашраф Ҳакимий "Реал Мадрид"нинг нишонида. "Лос-Бланкос" марокашлик футболчини 2026 йилнинг ёзида ўз сафига қайтариши мумкин. Айнан шу пайтгача Ҳакимийнинг "ПСЖ" билан амалдаги шартномаси якунланади.
