"Наполи" ҳужумчиси Виктор Осимхен Саудия Арабистонига кўчиб ўтиш имкониятини рад этмади.
25 ёшли футболчи "Наполи"ни тарк этиш ниятида ва клуб потенциал харидорларни қўрқитаётган нархни пасайтиради деб умид қилмоқда. "ПСЖ" Осимҳенга даъвогарлар қаторида, аммо француз грандлари бор эътиборини бошқа келишувларга қаратган. Саудия Арабистони чемпионати вакиллари ҳам форвард билан шартнома имзолаш умидида.
Журналист Бен Жейкобснинг ёзишича, нигериялик футболчи фаолиятини Европада давом эттиришни маъқул кўради, бироқ Саудия клубларидан бирига ўтишни истисно қилмайди. Вазият ноаниқлигича қолмоқда.
