Мадриднинг «Реал» клуби австриялик ҳимоячи Давид Алабани яқин вақт ичида сотиш ҳақида ўйламоқда. Бу ҳақда "Todofichajes" портали саҳифаларида хабар берилди.

Журналистларнинг хабар беришича, «қироллик» клуби 32 ёшли футболчининг жароҳатидан хавотирда. "Лос-Бланкос" лагерида улар Давиднинг узоқ вақт танаффусдан кейин аввалги даражасига қайтишига шубҳа қилишмоқда. Алаба фаолиятини давом эттириш вариантлари орасида Саудия Арабистони бор.

Ҳимоячи 2021 йилнинг ёзидан буён Мадрид гранди сафида тўп тепмоқда. Томонлар ўртасидаги амалдаги меҳнат шартномаси муддати 2026 йилнинг ўрталаригача ҳисобланади.