"Лидс" вингери Крисенсио Саммервилл фаолиятини "Вест Хэм"да давом эттиради. Бу ҳақда инсайдер Фабрицио Романо хабар бермоқда.

Манбага кўра, 22 ёшли футболчининг трансфери "болғачилар"га деярли 30 миллион еврога тушади. Саммервилл Премлер-лига клуби билан узоқ муддатли шартнома бўйича келишиб олгани айтилмоқда.

Ўтган мавсумда нидерландиялик футболчи барча турнирларни ҳисобга олган ҳолда 49 та ўйинда қатнашиб, 21 та гол урди ва ўнта голли узатмани амалга оширди. Саммервилнинг "Лидс" билан амалдаги шартномаси 2026 йилгача мўлжалланган. Transfermarkt портали футболчининг нархини 20 миллион еврога баҳоламоқда.