Микель Артета ўртоқлик учрашувида "Арсенал"нинг "Ливерпул"дан учралган мағлубиятига (1:2) баҳо берди.

"Синов жуда қийин бўлиб чиқди. Ўйлайманки, биз учрашувни жуда яхши бошладик ва 7-8-дақиқага келиб 2:0 ҳисобида олдинда боришимиз керак эди. Кейин улар гол уришган эпизод бўлди ва ўйин ўзгарди.

Муайян қийинчиликлар бўлди, айниқса ҳаводаги ўйинда, ўтиш босқичларида ҳам муаммолар бўлди, лекин биз албатта яхшиланамиз. Умуман олганда, мен жуда мамнунман.

Биз жуда қийин шароитларда ўйнашимиз керак эди. Менимча, йигитлар ақл бовар қилмайдиган куч сарфлашди. Иккинчи бўлимда ўйинда тўлиқ устунлик қилдик", — деди “Арсенал” бош мураббийи.