"Динамо" ва "Бунёдкор" жамоалари ўртасидаги учрашувдан сўнг матбуот анжуманида иштирок этган мезбонлар бош мураббийи Камо Газаров ўйин тақдирини футболчилар савияси ўртасидаги фарқ ҳал қилганини таъкидлади.
Камо Газаров, «Динамо» бош мураббийи: «Шогирдларим бугун майдонда бор кучларини сарфлашди. Аммо жамоалар сафидаги футболчиларнинг савияси орасида фарқ катта эди. Айнан шу жиҳат бугун муҳим рол ўйнади. Бизнинг таркибимиз асосан ёш маҳаллий футболчилардан иборат, рақибимиз эса деярли тенг кучга эга икки кучли таркибдан ташкил топган. Агар 0:1 ҳисоби давом этаётган вақтда вазиятлардан фойдалана олганимизда, ўйин бошқача тус оларди. Аммо вазиятларда омад биздан юз ўгирди».













