Каталониянинг "Барселона" клуби "Лейпциг" ярим ҳимоячиси Дани Ольмонинг трансфери бўйича келишувни ёпиш устида фаол ишламоқда.
Журналист Ферран Мартинеснинг хабарига кўра, "кўк-анорранглилар" шу ҳафта ичида трансферни якунламоқчи. Эслатиб ўтамиз, "Лейпциг" 26 ёшли ярим ҳимоячи учун товон пули сифатида 60 миллион евро талаб қилмоқда, бироқ "Барселона" ҳали немис клубининг молиявий талабларини қондиришга тайёр эмас.
Ҳозирда томонлар ўртасида музокаралар давом этмоқда. Ольмо аввалроқ ёшлар даражасида ўйнаган "Барселона"га қайтишга тайёр. Ярим ҳимоячининг хизматларига "Манчестер Сити" ва "Бавария" ҳам қизиқиш билдирмоқда.
