"Манчестер Сити" аёллар жамоаси япониялик футболчи Аоба Фудзино билан 3 йиллик шартнома имзолади.
20 ёшли форвард Япониянинг "Токио Верди Белеза" жамоасидан келди ва ёзги Олимпиада ўйинларидан сўнг янги жамоадошларига қўшилади.
Фудзино Париж-2024даги дастлабки ўйинда ажойиб жарима зарбасини амалга оширди.
Фудзино "Манчестер Сити"нинг жорий ёздаги учинчи трансфери бўлиб, Вивианне Миедема ва Риса Шимизу келганидан кейин қўшилди.
"Бу жуда катта тарихга эга жуда катта клуб, шунинг учун мен бу ерга келганимдан жуда хурсандман" - деди Фудзино.
"Лигада бу жисмонан ҳам, техник жиҳатдан ҳам юқори даражадаги клуб. Бу мен учун жуда жозибали нарса, жамоанинг катталиги ва ташкилотчилиги. Бундай муҳитда ўйнаш жуда муҳим." - дея қўшимча қилди япониялик футболчи.
