"Челси" бош мураббийи Энцо Мареска ОАВнинг сўнгги маълумотларига кўра, "Атлетико Мадрид"га ўтишга яқин турган Лондон клубининг 24 ёшли ярим ҳимоячиси Конор Галлахер билан боғлиқ вазият ҳақидаги саволга жавоб берди.
"Ҳозирча бу борада ҳеч қандай янгилик йўқ. Айтишим мумкин бўлган ягона нарса, у муаммони ҳал қилиш учун клуб билан алоқада бўлган. Янгилик йўқ.
Ҳар ёзда турли клублар маълум ўйинчилар билан муаммоларга дуч келишади, лекин охир-оқибат томонлар ечим топади ва ҳамма хурсанд бўлиб қолади. Умид қиламанки, бу вазиятда ҳам худди шундай бўлади", - дея Маресканинг сўзларини келтиради Daily Mail.
