Дортмунднинг "Боруссия"си ва "Бавария"нинг собиқ марказий ҳимоячиси Матс Хуммельс тез орада фаолиятини қаерда давом эттиришига қарор қилади.
35 ёшли фахрий июль ойи бошидан бери эркин агент сифатида қолмоқда. Журналист Николо Скира фикрича, футболчининг келажаги янги ҳафтада ҳал қилиниши керак. Немис учун учта даъвогар бор - Англияда "Брайтон" ва "Вест Хем", шунингдек, Италияда "Болонья". Марказий ҳимоячи аллақачон бир қатор клубларни, жумладан, "Аякс", "Бенфика", "Байер", "Монако", "Лилль" ва Саудия Арабистони чемпионатининг икки вакили таклифини рад этган.
Ўтган мавсумда Матс Хуммельс "Боруссия Дортмунд" таркибида 40 та ўйин ўтказиб, 4 та гол урган.
