«Ан-Наср» марказий ҳимоячиси Эмерик Лапорт Испанияга қайтиши мумкин.
Аввалроқ 30 ёшли футболчига қизиқиш «Реал» томонидан бўлган бўлса, эндиликда «Манчестер Сити»нинг собиқ юлдузига даъвогарлар қаторига Мадриднинг яна бир клуби «Атлетико» қўшилди, дея хабар беради журналист Маттео Моретто. «Матрасчилар» Лапортни ўзларининг қисқа рўйхатига киритдилар, гарчи улар ҳозирда ҳужум ва ярим ҳимояни кучайтиришга эътибор қаратишмоқда.
Испания терма жамоасининг марказий ҳимоячиси Ла Лигага қайтиш учун маошини сезиларли даражада камайтиришга тайёр.
