"Барселона" ҳимоячиси Жюль Кунде яна бир бор ўзининг севимли позицияси ҳақида гапирди.
Каталония грандининг собиқ устози Хави Эрнандес уни марказий ҳимоячи позисиясида эмас, балки ўнг қанотда қўллагани франциялик футболчининг норозилигига сабаб бўлган ва бу ҳақида матбуотда тез-тез хабарлар чиққан.
Энди футболчининг ўзи агар Ханс-Дитер Флик талаб қилса, марказда ҳам, қанотда ҳам ўйнашга тайёрлигини тан олди.
"Мен Фликка иккала позицияда ҳам ўйнай олишимни айтдим. Мен ўнг қанотда яхшироқ кўриндим, аммо барибир ҳимоя марказида ўйнашни афзал кўраман", - дея Кунденинг сўзларини келтиради Jijantes.
Бу мавсумда Жюль Кунде ўнг қанотда биринчи танлов сифатида кўриб чиқилиши эҳтимолдан ҳоли эмас, чунки клуб Серхи Робертони йўқотди ва Жоау Канселуни ортга қайтара олмади.
