"Реал Мадрид" "Негрейра иши" бўйича терговни 6 ойга узайтиришни сўрамоқда.
EFE нашрининг хабар беришича, ўтган ҳафта судья Хоакин Агирре томонларга тергов муддати 1 сентябрда тугагани ҳақида маълум қилган ва ишни узайтириш бўйича сўров юборишга ҳали вақтлари борлигини эслатган.
Хусусий айбловчи сифатида ишлаётган Мадрид клуби терговни келаси йилнинг мартигача узайтиришни сўраган. Прокурор Рикардо Санс-Гадеа бу сўровга қўшилди – унинг таъкидлашича, айбланувчилар, жумладан “Барселона”нинг собиқ президентлари Хосеп Бартомеу ва Сандро Росел ҳалигача сўроқ қилинмаганини инобатга олсак, ёз охиригача терговни якунлаб бўлмайди.
Эслатиб ўтамиз, май ойи охирида “Барселона” раҳбарияти ҳакамлар техник қўмитаси собиқ вице-президенти Хосе Мария Анрикес Негрейрага тўловларда порахўрликда айбловдан тозаланган эди. Ла Лига ва "Реал Мадрид" каталонияликларнинг суд жараёни давомида берган апелляцияларига қарши чиқди. Суд аввалроқ Негрейранинг 2001-2018 йиллар оралиғида “Барселона”дан 7,7 миллион евро тўлаганини жиноят деб ҳисоблаган эди.
