Ёзги трансфер ойнасининг сўнгги кунида "Динамо" жамоаси бразилиялик Маркос Кайкни ПФЛ рўйхатидан ўтказгани ҳақида хабар бергандик.

20 ёшли бразилиялик вингер куни кеча "Динамо" жамоасининг Тошкентда ўтказаётган йиғинига келиб қўшилди. Клуб ва Маркос Кайк ўртасида 2025 йилнинг якунига қадар белгиланган 1,5 йиллик шартнома имзоланган. Бразилиялик легионер "Динамо" сафига "Бетим" клубидан эркин агент сифатида қўшилди. У жорий мавсумнинг биринчи даврасини Бразилия С Сериясининг "Позу-Алегри" клубида ўтказиб, 3 ўйинда битта голга муаллифлик қилган.

Шу тариқа, Ратиньо, Дуглас Майкондан кейин Маркос Кайк жамоадаги 3-бразилиялик легионерга айланди.

"Динамо" оиласига хуш келибсан, Маркос!" - дейилади самарқандликларнинг расмий баёнотида.

Маълумотнома:
Тўлиқ исм-шарифи: Маркос Кайк Мораис де Оливейра
Туғилган санаси ва жойи: 2003 йилнинг, 3 ноябр, Бразилия.
Амплуаси: Чап оёқ вингер.