Ҳимоячи Алфи Гилкрист "Челси"дан ижара асосида "Шеффилд Юнайтед"га ўтди. Бу ҳақда "Шеффилд Юнайтед" расмий сайти хабар берди.
Қайд этилишича, ижара шартномаси бир мавсумга мўлжалланган.
"Бу клуб ва мураббий менга берган ажойиб имконият. Мен фақат стартни интиқлик билан кутяпман. Менинг режам ҳар доим Премьер-лигада ўзимда бўлган имкониятлар билан нима қила олишимни кўрсатиш бўлган, шунинг учун энди мен бу ерда ҳафтадан ҳафта ўшани қилишга ҳаракат қилмоқчиман.
Бу янги синов. Мен ўзимнинг комфорт зонамдан чиқиб кетяпман. “Челси”да бўлганимга анча бўлди, шунинг учун ҳам давом этишга тайёрман.
Ўтган мавсумда бу ерга сафардаги ўйин учун келганман ва мухлисларнинг жамоани қандай қўллаб-қувватлашларини, жамоани қанчалик яхши кўришларини кўрганимда, ҳайратда қолдим", - деди Гилкрист.
