Бокс бўйича 2023-йилги жаҳон чемпионати бошланишидан олдин гендер тестидан ўта олмаган ва кейинчалик турнирдан четлаштирилган жазоирлик Иман Хелиф Париж ёзги Олимпия ўйинларининг аёллар ўртасидаги бокс бўйича ярим финалида ғолиб чиқди ва финалга йўл олди.
Унинг ярим финалдаги рақиби Таиланд вакили Янам Суваннафаенг бўлди. Иман Хелиф уни якдил қарор билан мағлуб этди - 5:0.
Уларнинг жанги 66 кг вазн тоифасида бўлиб ўтди. Хелифнинг 1/8 финалдаги рақиби италиялик боксчи Анжела Карини жанг бошланганидан 46 сония ўтиб жангни тарк этди.
Карини қарама-қаршиликни давом эттиришдан бош тортди ва кўз ёшлари билан рингни тарк этди. Кейинроқ у боксдаги фаолиятини якунлаётганини эълон қилди.
