"Реал" ярим ҳимоячиси Браим Диас келаси мавсумда ҳужумдаги рақобатдан қўрқмаяпти.
Эслатиб ўтамиз, "Қироллик клуби" ҳужумида Килиан Мбаппе ва Эндрик каби футболчилар пайдо бўлишди. Marca нашри хабарига кўра, Диас Карло Анчелотти жамоасидаги рақобатдан қўрқмайди. Испаниялик ярим ҳимоячи мавсумни сифатли ўтказишга ва ўзини бор маҳоратини кўрсатишга аҳд қилган.
Ўтган мавсумда Диас 8 та гол урди ва 6 та голли узатмани амалга оширди. Шу билан бирга, ярим ҳимоячи асосий таркибда барқарор ўйинчи эмасди. 25 ёшли ярим ҳимоячи аввалроқ “Милан” ва “Манчестер Сити” клубларида ўйнаган.
