"Ливерпул"нинг собиқ ҳимоячиси Жейми Каррагер "Манчестер Юнайтед" ноябрь ойида бош мураббий Эрик Тен Хагни истеъфога чиқариши мумкинлигини айтди.
"Менинг провокацион фикрим қандай? Тен Хаг ноябргача, халқаро танаффусга қадар истеъфога чиқарилади»", - деди Каррагер The Sun билан суҳбатда.
“Қизил иблислар” мухлисларидан бири ҳам ўз клубига нисбатан қаттиқ гапирди: "Биз ё лигада ғолиб чиқамиз ёки Рождество байрамига Руд ван Нистелрой мураббий бўлади. Иккисидан бири", - дея қўшимча қилди "Манчестер Юнайтед" мухлисларидан бири.
"Биламан, бу албатта содир бўлади ..." деб жавоб берди Каррагер.
Аввалроқ ван Нистелрой "Манчестер Юнайтед"да Эрик тен Хагнинг ёрдамчисига айлангани хабар қилинганди. Собиқ ҳужумчи 2023 йилнинг баҳорида ПСВ бош мураббийлигидан кетганидан кейин ишсиз қолганди.
