«Наполи» марказий ҳужумчиси Виктор Осимхен фаолиятини қаерда давом эттириш борасида қарор қабул қилди. Ҳужумчи «ПСЖ»га ўтмоқчи ва француз грандидан расмий таклифни кутмоқда, дея хабар беради инсайдер Николо Скира.
Манбанинг қайд этишича, нигериялик тўпурар парижликлар билан дастлабки келишувга эга. «ПСЖ»га ўтиш учун Осимхен Саудия Арабистонидан келган катта таклифларини рад этди. Виктор ўз фаолиятини Европада давом эттиришга қатъий қарор қилди.
Африкалик футболчининг неаполликлар клуби билан шартномаси 2026 йилнинг ёзига қадар тузилган.
