«Манчестер Юнайтед» 29 ёшли ҳужумкор ярим ҳимоячи Бруну Фернандеш билан шартномани 2027 йилнинг июнигача узайтириш борасида келишувга эришди. Бу ҳақда журналист Фабрицио Романо хабар берди.

Манбага кўра, португалиялик футболчи билан тузилган янги меҳнат шартномасида уни 2028 йилнинг июнига қадар узайтириш имконияти ҳам кўзда тутилган. Таъкидланишича, янги шартнома имзолаш учун барча шарт-шароитлар тайёрланган, бу ёз охиригача амалга ошиши мумкин.

Фернандешнинг «қизил иблислар» билан амалдаги шартномаси 2026 йилнинг ёзига қадар тузилган.