"Бавария" ярим ҳимоячиси Леон Горецка ушбу трансфер ойнасида жамоасини тарк этишни истамаяпти. Журналист Флориан Плеттенбергнинг хабар беришича, германиялик ярим ҳимоячи жамоада қолмоқчи.
Аввалроқ раҳбарият футболчига клубнинг келажак режаларига киритилмаганини маълум қилганди. Бош мураббий Венсан Компани ҳам Леон ўйин услубига тўғри келмайди, деб ҳисобламоқда. Шунга қарамай, Горецка кейинги мавсумда ўзини кўрсата олишига ва клуб ишончини қайта тиклашига ишонмоқда.
Хабар қилинишича, «Бавария» Горецкани кетишга мажбурламайди. Леон Мюнхенда йилига 18 миллион евро маош олади ва бу футболчининг клуб рўйхатини ўзгартирмоқчи эмаслигига яна бир сабабдир.
