Рой Кин "Манчестер Юнайтед"нинг янги мавсумдаги ўйинидан умидлари билан ўртоқлашди.
"Манкунианликлар"нинг собиқ сардори Англия Суперкубоги учун ўйинда "қизил иблислар"нинг "Манчестер Сити"дан учралган мағлубиятидан сўнг (1:1, пенальтилар бўйича 6:7) ўз фикрларини билдириб ўтди.
"Ўйинга қараганда, тен Хаг мавсум бошланишидан хурсанд бўлиши керак. "Манчестер Юнайтед" якунда етарли даражада яхши эмасди, улар шанба куни бўлгани каби кеч гол ўтказиб юбормаслик учун яхшиланиши керак.
Менга "Манчестер Юнайтед" ўйинининг баъзи қисмлари ёқди. Агар энг яхши ўйинчилар жароҳатлардан қочса, биз жамоадан Премьер-лигада кучли тўртлик учун кураш олиб боришини кутишимиз мумкин", - деди Кин ITV телеканалида.
Ўтган мавсумда "Манчестер Юнайтед" АПЛда 8-ўринни эгаллади ва Англия кубогини қўлга киритди.
