Амстердамнинг "Аякс" клуби ўтган мавсумда Давид Райяга рақобатда мағлуб бўлган ва асосий таркибдаги ўрнини бой берган Лондоннинг "Арсенал" клуби дарвозабони Аарон Рамсдейлга кўз тикмоқда.
Журналист Давид Орнштейннинг маълумотларига кўра, "Аякс" "Арсенал"га мавсум охиригача ижара таклиф қилган, аммо "канонирлар" дарҳол рад этишган. Микель Артета шогирдлари Ааронни доимий равишда сотмоқчи.
Қайд этилишича, “Аякс” пойгадан чиқмаган ва келишувни қулай шартларда якунлашга умид қилмоқда. Аввалроқ Рамсдейлга Англия Премьер-лигасининг бир қанча клублари, жумладан, "Ньюкасл" ҳам қизиқиш билдираётгани ҳақида хабар берилганди. Аарон "Арсенал"да 2021 йилнинг ёзидан "Шеффилд Юнайтед"дан кўчиб ўтганидан бери ўйнамоқда.
