Енгил вазн тоифасида (70 кг гача) амалдаги UFC чемпиони россиялик Ислом Махачев Беллатор чемпиони, ҳамюрти ва жамоадоши Усмон Нурмагомедовнинг асосий муаммосини айтди.
"Усмоннинг ягона муаммоси шундаки, уни машғулотларда назорат қилиш керак. Унинг интизомини, жадвалини кузатиб боринг, чунки у ҳали ёш йигит.
Аммо Усмоннинг катта акалари бор ва ўша Хабиб уни ҳамма нарсада бошқаради", — дея Махачевнинг сўзларини келтиради Bloody Elbow портали.
Эслатиб ўтамиз, Усмоннинг навбатдаги жанги 7-сентябрь куни Сан-Диегода (АҚШ) Беллатор турнирида Александр Шаблияга қарши бўлади.
Дастлаб Александр Шаблий ва Усмон Нурмагомедов 17-май куни Парижда (Франция) жанг ўтказиши керак эди, бироқ Нурмагомедов жароҳат олгани учун жанг қолдирилди.
