«Реал Мадрид» чоршанба оқшомида УЕФА Суперкубогини қўлга киритди. Карло Анчелотти шогирдлари «Аталанта»дан 2:0 ҳисобида устун келди. Муваффақиятли натижадан сўнг Мадрид клуби президенти Флорентино Перес баёнот берди.
«Иккинчи бўлимдагидек жадаллик ва куч кўрсатсангиз, ғалаба қозониш одатий ҳолдир. Биз иккита гол урдик, аммо кўпроқ уришимиз мумкин эди. Бу ғалаба ва бу унвон оғир мавсум олдидан бизга куч бағишлайди. Ўтган йилгидек кўп меҳнат қилишимиз керак, шундан кейин мевасини оламиз. Бизда ажойиб жамоа бор», - дея Пересдан иқтибос келтиради "Marca".
