«Барселона» «Ливерпуль»дан Луис Диасни сотиб олиш имкониятини баҳоламоқда.
Аввалроқ, «блауграна» Нико Уильямсга муқобил изланишни бошлагани ва Диасдан ташқари «Бавария»дан Кингсли Коман ва «Милан»дан Рафаэл Леауни кўриб чиқаётгани маълум бўлганди.
"Mundo Deportivo" хабарига кўра, колумбиялик вингер Нико ўрнига «Барса»нинг устувор вариантидир. Каталонияликлар Диаснинг «Ливерпуль»даги аҳволини ва унинг «блауграна»га ўтишга мойиллигини яхши билишади.
«Барселона» Диас ёки шунга ўхшаш даражадаги қанот ҳужумчиси учун 55-60 миллион евро таклиф қилиши мумкин. Шу билан бирга, каталонияликлар «Ливерпуль» 27 ёшли футболчи учун «блауграна»нинг максимал буджетидан кўпроқ - 62 миллион евро сўрашига ишонишмоқда.
Қолаверса, «Барса» Диасга қизиқса, бошқа клублар билан рақобатлаша олишига шубҳа қилмоқда.
