Ўзбекистон терма жамоаси аъзоси Марат Бикмаев Қозоғистоннинг "Актобе" клуби сафида деярли бир йилдан бери тўп сурмоқда. Бу давр мобайнида асосий таркиб футболчиси сифатида ўйинларда иштирок этиб келмоқда. "Астана" клуби қарши 6-тур ўйинидан кейин  ҳамюртимиз Vesti.kz сайти мухбирига интервью берди.

— Ушбу ўйинга жиддий тайёргарлик кўргандик, — дейди Марат. — Сўнгги бир нечта ўйинда йўқотган очколаримиз ўрнини тўлдиришимиз лозим эди. "Астана"да ҳам гол уриш вазиятлар бўлди, аммо омад бизга кўпроқ кулиб боқди.

— Ушбу мавсумда жамоа чемпионликни қўлга кирита оладими?
— Олдимизга шундай вазифа қўйилган. Ўйиндан-ўйинга ўсиб бориб, олдимизга қўйилган вазифани уддалаймиз.

— Владимир Муханов пайтида жамоа бошқача ўйин кўрсатади. Никитенконинг ўйин услуби Мухановникидан нимаси билан фарқ қилади?
— Муханов пайтида олдинга югурардик ва кўпинча ҳимояни унутиб қўярдик.

— Демак, ҳозир "Актобе" иккинчи рақамли жамоа сифатида ўйнамоқда.
— Иккинчи рақам остида ўйнаяпмиз демаган бўлардим. Ҳозир кўпроқ ҳимоядаги ҳаракатларга кўпроқ эътибор қаратяпмиз.

— Сизга қандай футбол кўпроқ ёқади?
— Менга ҳужумко футбол ёқади.

— Ўзбекистон терма жамоаси ва "Актобе" клуби ўйин услубини таққослай оласизми?
— Улар бир-бирига ўхшаш ўйин намойиш қилишади. Терма жамоада ҳам тўпни назорат қилишга ва узатмаларга орқали ўйнашга ҳаракат қиламиз.

— Сиз иккинчи йилдирки Қозоғистон чемпионатида тўп суряпсиз. Россия Премьер-лигаси ва Биринчи дивизиони савиясини бизнинг чемпионат билан таққослай оласизми?
— Албатта, Қозоғистон чемпионати Россия Биринчи дивизиони савиясидан баланд. Шунингдек, чемпионат савияси Премьер-лигадан анча ортда қолаётгани йўқ. Бу ерда ҳам майдондан кескин кураш кечади, маҳоратли футбочилар тўп суришмоқда. Балки, Россияда футболга кўпроқ эътибор қаратилаётган бўлиши мумкин.

— Майдонда қайси футболчининг ўрни кўпроқ билинади Кенжисариев ёки Гейнрих?
— Ҳар иккаласининг ўрни билинади. Улар — асосий таркиб футболчилари. Бир ўйинчи таркибдан тушиб қолса, муаммолар бошланади. Уларнинг ўрнини қоплаш қийин масала.