"Манчестер Юнайтед"нинг собиқ ҳимоячиси Фил Жонс фаолиятини якунлаганини эълон қилди.
32 ёшли футболчи мураббий бўлиш нияти борлигини маълум қилди.
"Фаолиятим мен хоҳлаганимдан тезроқ якунланди.
Аммо стаканнинг ярми тўлган. УEФА А лицензиясини олдим ва ўзимни мураббий сифатида синаб кўрдим.
Келажакда қайсидир жамоани бошқармоқчиман. Мен бунга эришмоқчиман", - деди “Манчестер Юнайтед”нинг собиқ ҳимоячиси.
Англиялик футболчи 2011 йилдан 2023 йилгача "МЮ"да ўйнаган. Бу вақт ичида у 6 та совринни қўлга киритди, жумладан, Премьер-лига чемпионлиги ва Европа Лигаси ғолиблиги.
