Пеп Гвардиоланинг узоқ муддатли келажаги долзарб мавзу бўлиб қолмоқда, чунки "Манчестер Сити" бош мураббийининг амалдаги шартномаси тугашига бир йилдан камроқ вақт қолган.

Маълумки, меҳнат шартномаси 2025 йил июнь ойи охиригача амал қилади. Sky Sports хабарига кўра, "Манчестер Сити" Гвардиоладан Рождествога қадар келажак ҳақида жавоб беришни сўраган.

Англия чемпионлари янги мураббий топиш жараёни (керак бўлса) хотиржам ва силлиқ ўтишини истайди ва бу вақт талаб этади.

Олти ой “шаҳарликлар”га янги мураббий топиб, у билан келишиб олишлари учун етарли.