Бугун барчанинг диққат эътибори Мюнхендаги «Алянц Арена» стадионига қаратилгани шубҳасиз. Сабаби Европа чемпионлар лигаси ярим финалининг даслабки учрашувида «Бавария» ўз уйида Каталониянинг «Барселона» жамоасини қабул қилади. Бу ўйинга мутахассису мухлисларнинг қизиқиши катта.

Бу икки жамоа УЕФА чемпионлар лигасида тўрт бора ўзаро тўқнаш келишган. Шундан иккита ўйинда 1998/1999 йилги мавсумнинг гуруҳ босқичида учрашган ва иккала ўйин ҳам «Бавария» фойдасига ҳал бўлган бўлса, 2008/2009 йилги мавсумнинг ЕЧЛ ярим финалида учрашган ўйинда «Барселона» икки ўйин натижасига кўра финалга йўл олган ва ўша йили ЕЧЛ ғолиблигини қўлга киритган.

1). 21.10.1998. Гуруҳ босқичи.«Бавария» (Германия) – «Барселона» (Испания) 1-0.
2). 04.11.1998. Гуруҳ босқичи. «Барселона» (Испания) - .«Бавария» (Германия) 1-2
3). 08.04.2009. Чорак финал. «Барселона» (Испания) - .«Бавария» (Германия) 4-0
4).14.04.2009. Чорак финал. «Бавария» (Германия) – «Барселона» (Испания) 1-1
 
Энди, эртага бўлиб ўтадиган ЕЧЛ ярим финалида тўқнаш келадиган Дортмунднинг «Боруссия» ва Мадриднинг «Реал» жамоаларининг бир-бири билан ЕЧЛда учрашган ўйин статистикасига тўхталиб ўтсам. Бу ўйинга ҳам мутахассису мухлисларнинг қизиқиши катта, албатта.

Бу икки жамоа ЕЧЛда олти маротаба бир-бири билан тўқнаш келишган. Шундан иккита ўйинда 1997/1998 йилги мавсумнинг ЕЧЛ ярим финалида учрашган ўйинда «Реал» икки ўйин натижасига кўра финалга йўл олган ва ўша йили ЕЧЛ ғолиблигини қўлга киритган. Тўртта ўйинда эса ЕЧЛнинг гуруҳ босқичида учрашишган.

1). 01.04.1998. Ярим финал.«Боруссия» (Германия) – «Реал» (Испания) 0-0
2). 15.04.1998. Ярим финал. «Реал» (Испания) - .«Боруссия» (Германия) 2-0
3). 19.02.2003. Гуруҳ босқичи.«Реал» (Испания) – «Боруссия» (Германия) 2-1
4). 25.02.2003. Гуруҳ босқичи. «Боруссия» (Германия) - «Реал» (Испания) 1-1
5). 24.10.2012. Гуруҳ босқичи. «Боруссия» (Германия) - «Реал» (Испания) 2-1
6). 06.11.2012. Гуруҳ босқичи. .«Реал» (Испания) – «Боруссия» (Германия) 2-2

Ҳар иккала жуфтликда ҳам бир-бири билан плей-оффда учрашган жамоалар ичида «Барселона» ва «Реал» ўз рақибларини икки ўйин натижасига кўра енгиб, финалга йўл олган ва якунда ЕЧЛ ғолиби бўлган. Кўрамиз, бу галги ЕЧЛ финалига кимлар чиқар экан. Қайси жамоа финалга йўлланмани қўлга киритишидан қаъти назар, ярим финалда ажойиб, чиройли, томошабоп ўйин кутиб қоламиз.
Абдумажид Қодиров