"Барселона" ярим ҳимоячиси Фермин Лопес Испания терма жамоаси билан иккита зафарли турнирдан сўнг майдонга қайтишга яқин турибди.

Июл ойида 21 ёшли футболчи Евро-2024 ғолибига айланди, турнир давомида бор-йўғи бир марта майдонга тушди ва август ойида у Испанияга Олимпиада олтинини қўлга киритишда ёрдам берди.

Фермин Лопес сешанба куни "Барселона" машғулотларига қайтади, шанба куни эса Ла Лиганинг 2-турида "Атлетик Бильбао"га қарши ўйнай олади.

Охирги мавсумда Лопес "кўк-анорранглилар"нинг асосий таркибида 42 ўйин ўтказиб, 11 гол ва битта голли узатмага муаллифлик қилган.