"Барселона" ҳали ҳам "Милан" ҳужумчиси Рафаэль Леауни сотиб олишга ҳаракат қилмоқда.
Каталонияликлар трансфер ойнаси ёпилгунига қадар катта келишувга эришмоқчи. Нико Уильямс билан муваффақиятсиз музокаралардан сўнг, "Барселона" асосий эътиборини Леауни сотиб олишга қаратмоқда.
Испания клуби аллақачон таклиф тайёрламоқда, таъкидланишича, "Милан" Леау учун келишувга қўшилиши мумкин бўлган "Барселона"нинг бир нечта ўйинчиларига қизиқиш билдирмоқда. Рафинья, Кристенсен, Торрес ёки Бальде Италия клубига ўтиши мумкин.
Агар "Барселона" Леауни қўлга кирита олмаса, каталонияликлар "Бавария" ярим ҳимоячиси Кингсли Коман ёки "Ювентус" вингери Федерико Кьезага вариантини ўрганиб чиқади.
