Исроил фуқароси Жошуа Карту Санкт-Петербургнинг Пулково аэропортида ҳибсга олинди ва фирибгарликда айбланмоқда, деб ёзади “РИА Новости” оператив хизматлардаги манбаларга таяниб.
Баъзи маълумотларга кўра, етказилган зарар миқдори 233 миллион долларни ташкил қилади.
Карту 750 минг обуначига эга блогер сифатида танилган, шунингдек, Ferrari Challenge Trofeo Pirelli пойгаси ва нопрофессионал ҳайдовчилар мусобақаларида мунтазам иштирок этган.
У аэропортда тақиқланган электрон алоқа воситаларидан фойдаланган ҳолда фирибгарлик қилгани учун қўлга олинди.
У АҚШ ҳуқуқ-тартибот идоралари ташаббуси билан халқаро қидирувда ҳам бўлган.
Картуга нисбатан тергов 2020 йилда бошланган ва шундан бери унинг қаердалиги номаълумлигича қолаётганди.
Ижтимоий тармоқларда у мунтазам равишда қимматбаҳо машиналарнинг фотосуратларини эълон қилади.
