Isroil fuqarosi Joshua Kartu Sankt-Peterburgning Pulkovo aeroportida hibsga olindi va firibgarlikda ayblanmoqda, deb yozadi “RIA Novosti” operativ xizmatlardagi manbalarga tayanib.

Ba’zi ma’lumotlarga ko‘ra, yetkazilgan zarar miqdori 233 million dollarni tashkil qiladi.

Kartu 750 ming obunachiga ega bloger sifatida tanilgan, shuningdek, Ferrari Challenge Trofeo Pirelli poygasi va noprofessional haydovchilar musobaqalarida muntazam ishtirok etgan.

U aeroportda taqiqlangan elektron aloqa vositalaridan foydalangan holda firibgarlik qilgani uchun qo‘lga olindi.

U AQSH huquq-tartibot idoralari tashabbusi bilan xalqaro qidiruvda ham bo‘lgan.

Kartuga nisbatan tergov 2020 yilda boshlangan va shundan beri uning qayerdaligi noma’lumligicha qolayotgandi.

Ijtimoiy tarmoqlarda u muntazam ravishda qimmatbaho mashinalarning fotosuratlarini e’lon qiladi.