"Порту" вингери Франсишку Консейсау Саудия Арабистони чемпионати вакилларининг қизиқишига тушди.

21 ёшли португалиялик футболчи "Ювентус"нинг қисқа рўйхатидан жой олган. Италия А сериясининг гранди сотиб олиш мажбурияти билан Консейсауни ижарага олиш бўйича музокаралар олиб боришга уриниб кўрди, бироқ ҳалигача "аждарлар" билан келишувга эриша олмади. Айни пайтда, журналист Руди Галеттининг ёзишича, номлари ошкор этилмаган Саудия клублари футболчи учун курашга киришган. Тез орада музокаралар бошланиши кутилмоқда.

Transfermarkt портали экспертлари Франсишку Консейсаунинг нархини 22 миллион еврога баҳоламоқда.