"Челси" бош мураббийи Энцо Мареска Конференциялар лигаси саралаш плей-офф босқичининг биринчи ўйинида "Серветт" устидан қозонилган ғалаба (2:0) ҳақида фикр билдирди.

"Ҳаммаси жуда аниқ - энди биз ўйинни бошқаришни ўрганяпмиз. Менимча, тўпни ўзида сақлаб қолишга ҳаракат қилиш яхши нарса. Балки баъзида бу унчалик фойдали эмас - масалан, биз охирги 10 ёки 15 дақиқада тўпни ўз бўлимимизда эгаллашга ҳаракат қилдик, ўшанда биз буни рақибнинг ярмида амалга оширишга ҳаракат қилишимиз керак эди.

Менимча, барча ўйинчилар тизимни яхшироқ ўрганишлари учун кўпроқ вақт керак. Шубҳасиз. Бугун уларнинг баъзилари жисмоний ҳолати бўйича қийинчиликка дуч келишди.

Менга жамоа, уларнинг тўп билан ва тўпсиз ўйнаши жуда ёққан пайтлар бўлди. Ўйин бошида биз жуда агрессив эдик. Қолаверса, биз бу жараёндамиз – бизда яхшироқ бўлган лаҳзалар бор, лекин муаммолар ҳам бор, лекин бу нормал ҳолат", - деди Мареска Football London билан суҳбатда.

29 август куни Швейцарияда "Челси" ва "Серветт" ўртасидаги Конференциялар лигасининг жавоб учрашуви бўлиб ўтади.