"Манчестер Юнайтед" бош мураббийи Эрик тен Хаг вингер Алехандро Гарначонинг юқори салоҳиятига шубҳа қилмаяпти.
20 ёшли футболчи Англия Суперкубоги доирасида "Манчестер Сити"га қарши ўйинда гол урган бўлса, кейинроқ АПЛ 1-турида "Фулхэм"га қарши ўйинда голли узатмани амалга оширди. Эътиборлиси, ҳар икки ҳолатда ҳам аргентиналик футболчи иккинчи бўлимда захирадан майдонга тушди.
"Жаҳон миқёсидаги футболчи бўлиш учун сиз қаттиқ меҳнатдан бошлашингиз керак. Унинг саъй-ҳаракатлари уни ҳозирги ҳолатига олиб келди ва бу ҳам уни жаҳон даражасидаги ўйинчига айлантиради. Мен унинг керакли салоҳиятга эга эканлигига қўшиламан. Ҳар бир клубга ҳужумда Х-фактор бўла оладиган футболчилар керак. Гарначо аллақачон бу қобилиятни намойиш этди ", деди Тен Хаг.
