Юрген Клопп жамоани тарк этганидан кейин "Ливерпул"га бўлган муносабати ҳақида гапирди.
57 ёшли мутахассис жорий йил ёзда фаолиятидаги танаффусдан сўнг инглиз клубининг баъзи футболчилари билан алоқани давом эттирмоқда.
“Мен уларни соғиндим. Иш учун эмас, балки клубдаги барча одамлар учун. Биз хоҳлаган вақтда бир-биримизни кўришимиз мумкин.
Менга футбол томоша қилиш ёқади, айниқса “Зальцбург”, чунки уларнинг мураббийи Пеп Лейндерс мен учун жуда муҳим.
Мен уни томоша қилишни ва унинг тараққиётини кўришни яхши кўраман. “Ливерпул”нинг ўйинини ҳам кўрдим ва бу жуда яхши бўлди. Бундан ташқари, мен Олимпия ўйинлари ва шунга ўхшаш нарсаларни кўп томоша қилдим.
Ҳозиргача ёз ажойиб ўтди. Таътилни ташкил қилиш керак, чунки кўп одамлар сиз билан учрашишни хоҳлашади. Шунинг учун биз бироз секинлашишга мажбур бўлдик.
Ҳозир невара ва фарзандларимиз билан уч ҳафта бирга бўлдик. Бу ажойиб эди”, - дейди “Ливерпул”нинг собиқ бош мураббийи Юрген Клопп.
