«Челси» ҳужумчиси Ромелу Лукаку тез орада «Наполи»нинг янги футболчиси сифатида таништирилади.
Клублар бельгиялик футболчининг трансфери шартлари бўйича аллақачон келишиб олишган, бироқ келишувнинг якунланиши бироз кутишга тўғри келади: "Sky Sport" хабарига кўра, форвард якшанба куни тиббий кўрикдан ўтмайди, чунки ҳали бир қанча расмиятчиликлар бажарилиши керак. 31 ёшли футболчининг трансфери келаси ҳафта бошида якунланиши кутилмоқда.
«Челси» Ромелу Лукакуни сотишдан 30 миллион евро ва 15 миллион бонус олади. Футболчи «Наполи» билан 2027 йилнинг ёзига қадар амал қиладиган шартнома борасида келишиб олди.
