Москванинг ЦСКА клуби бош мураббийи Марко Николич пойтахт клуби ярим ҳимоячиси Аббосбек Файзуллаевнинг жорий мавсумдаги ўйини ҳақида гапирди.

Сербиялик мутахассис Ўзбекистон терма жамоасининг Осиё кубоги ва Олимпия ўйинларидаги иштироки туфайли жамоанинг қишки ва ёзги йиғинларининг аксарият қисмини ўтказиб юборгани учун футболчида жуда кўп юк борлигини таъкидлади.

“Аббос жуда иқтидорли, яхши, меҳнаткаш йигит, яна ҳам ривожлансин. Келажакда ҳаммаси жойида бўлади", - дея Николичнинг сўзларини келтиради клуб матбуот хизмати ўз расмий сайтида.