"Ювентус" трансфер бозорининг сўнгги ҳафтасида "Манчестер Юнайтед"дан Жейдон Санчони фаол равишда таъқиб қилмоқда.
2000 йилда туғилган инглиз вингери Эрик тен Хаг учун биринчи рақамли ўйинчи эмас ва унинг Туринга ўтишини ижобий баҳолашмоқда.
Бироқ, Санчо ҳозирги 10 миллион евролик маошини камайтиришга тайёр бўлиши керак, чунки "Юнайтед" унинг маошини яна тўлаб юришни истамайди.
"Ювентус" Санчони фақат сотиб олиш опцияси билан ижарага олиши мумкин, чунки улар Копмейнерс учун 60 миллион евро сармоя киритишни режалаштирмоқда.
Санчо бўйича музокаралар Федерико Кьезанинг кетишига боғлиқ, "Ювентус" уни ҳозирча ортиқча деб ҳисоблайди.
Кьеза "Барселона"га ўтишга интилмоқда, аммо Каталония клуби бу трансфердан олдин Дани Ольмони рўйхатдан ўтказишни якунлаши керак.
