"Реал" бош мураббийи Карло Анчелотти жамоага янги келган бразилиялик ҳужумчи Эндрик ҳақида ўз фикрлари билан ўртоқлашди.
18 ёшли форвард "Вальядолид" билан ўйинда (3:0) дебют голини киритди.
"Эндрик майдонда яхши кўринди. Бу йигитда катта салоҳият бор, гол эвазига унинг кучли томонларини кўрдик. У ажойиб назорат ва яхши зарбага эга. Бу жарима майдончасидаги ўйинчи. Кичкина ҳудудларда Эндрик ниҳоятда хавфлидир", - деди Анчелотти ESPN билан суҳбатда.
Эслатиб ўтамиз, Эндрик Мадрид грандига Бразилиянинг "Палмейрас" клубидан 47,5 миллион евро эвазига ўтган эди. У "Лос-Бланкос" билан узоқ муддатли шартнома тузди.
