"Барселона" Nike билан ҳомийлик шартномаси бўйича келишувга эришишига ишончи комил.
Mundo Deportivo нашрининг ёзишича, "блауграна" ҳозирча Ла Лигага потенциал келишувга оид ҳеч қандай ҳужжат юбормаган, бироқ ўз вакиллари билан музокаралар қандай кетаётганини тушунтириш учун гаплашган ва трансфер ойнаси ёпилгунга қадар томонлар келишувга эришиши мумкинлигидан огоҳлантирган.
Қайд этилишича, каталонияликлар шартнома имзолагани учун Nike'дан 115 миллион евро олишлари керак, уларга 10 йил давомида ҳар йили 90 миллион евро ва бонуслар ўтказиб борилади. Бу ҳолда “Барселона”нинг фаолияти лиганинг барча молиявий талабларига жавоб беради ва клуб шу ёзда бир топ футболчини сотиб олишга қурби етади.
Шу билан бирга, Jijantes'нинг хабар беришича, келишувга оид баъзи ҳужжатлар тасдиқлаш жараёнини бошлаш учун Ла Лигага юборилган.
