"Астон Вилла" дарвозабони Эмилиано Мартинес жамоанинг жорий Чемпионлар лигасидаги истиқболлари ҳақида гапирди.
Дарвозабон жамоани қайси мураббий бошқараётганини ҳисобга олган ҳолда, Чемпионлар лигаси финалига чиқишга умид қилиш мумкинлигини такидлади.
"Астон Вилла" учун бу бизнинг Чемпионлар лигасида биринчи марта қатнашишимиз, шунинг учун бу биз учун янгилик бўлади. Аммо мураббийимиз ва футболчиларимиз билан биз финалга чиқа оламиз", - деди Мартинес The Guardian билан суҳбатда.
Эслатиб ўтамиз, Унаи Эмери шогирдлари ўтган мавсумда Премьер-лигада тўртинчи ўринни эгаллаган ва 41 йил ичида илк бор Европанинг асосий клублар турнирида иштирок этади.
