"Ливерпуль" ҳужумчиси Муҳаммад Салоҳ келажаги ҳақида фикр билдирди. Мисрлик футболчининг сўзларига кўра, у яқин орада шартномани узайтирмоқчи эмас.
Албатта, Салоҳнинг сўзлари "қизиллар" мухлисларини хавотирга солиши мумкин, чунки форварднинг амалдаги шартномаси келаси ёзда тугайди.
“Мавсум бошланишидан олдин мен шунчаки айтдим: “Менинг бир йилим қолди, келинг, шартнома ҳақида ўйламай, завқланайлик.
Келгуси йил ёки келажак ҳақида ўйлашни хоҳламайман, фақат шартномамнинг сўнгги йилидан завқланмоқчиман ва кўрамиз.
Энг муҳими, уни бир кун қабул қилиш ва шу ердалигим учун шукр қилиш”, - деди Салоҳ.
