Ҳимоячи Серхио Рамос 2023/2024 йилги мавсум якунида "Севилья"ни тарк этди. Энди тажрибали футболчи Саудия Арабистонига кўчиб ўтишга ҳозирлик кўрмоқда.
Журналист Саша Тавольерининг ижтимоий тармоқларда хабар беришича, 38 ёшли Рамос "Ал-Оруба" клуби сафига ўтишга рози бўлган. Бу жамоа ўтган мавсум якунида олий дивизионга чиққан эди.
Эслатиб ўтамиз, "Ал-Оруба" Саудия Арабистони чемпионатида энг яхши старт ўтказа олмади. Дастлабки икки турда жамоа икки марта умумий 1:4 ҳисобида мағлубият аламини тотиб кўрди. Бунгача Серхио Рамос фақат Европада ўйнаган. Энди тажрибали ҳимоячи ўзини Яқин Шарқда синаб кўради.
