"Ньюкасл" ҳимоячиси Киран Триппьер Англия терма жамоасидаги фаолиятини якунлаганини эълон қилди. 33 ёшли футболчи "Уч шерлар"нинг собиқ бош мураббийи Гарет Саутгейт, жамоадошлари ва мухлисларига миннатдорчилик билдирди.
Бундан ташқари, Триппьер Ли Карсли (вақтинчалик мураббий) ва терма жамоага келгуси фаолиятида омад тилади.
Киран Триппьер 2017 йил июнь ойида Англия терма жамоаси сафида дебют қилган. Ўшандан бери ҳимоячи "Уч шерлар" сафида 54 та ўйин ўтказиб, ўз ҳисобига битта гол ёздириб қўйган ва жамоадошларига 5 та голли узатма берган.
Эслатиб ўтамиз, Европа чемпионатида Англия терма жамоаси финалгача етиб борган ва у ерда Испанияга 1:2 ҳисобида имкониятни бой берганди.
