Ҳимоячи Гилермо Марипан “Монако”ни “Торино”га алмаштирди. Чилилик футболчи Италия А Серияси клуби билан икки йиллик шартнома имзолади.
Футболчи учун Франция ва Италия жамоалари ўртасидаги келишув 2 миллион еврога баҳоланмоқда. Марипан 30 ёшда, у "Монако"га беш йил аввал Испаниянинг "Алавес" клубидан ўтганидан кейин келган. "Торино"нинг янги футболчиси ҳимоя марказида ўйнай олади.
Transfermarkt чилилик футболчини 10 миллион еврога баҳоламоқда. Марипан Чили терма жамоаси сафида барча турнирлар ва ўртоқлик ўйинларида 48 та ўйинда майдонга тушган. Уларда у рақиблар дарвозасига иккита гол урди.
