Европа чемпионатидан сўнг Гарет Саутгейт Англия терма жамоаси бош мураббийлигидан кетишга қарор қилди. Орадан кўп ўтмай, аввалроқ ёшлар жамоасида ишлаган Ли Карсли «Уч шерлар»нинг вақтинчалик бошқарувчисига айлангани маълум бўлди.
"The Telegraph" журналистларига маълум бўлишича, яқинда Англия футбол ассоциацияси Карслининг маошини сезиларли даражада оширган. Шу тариқа мураббий вақтинча эмас тўлиқ ставкада иш бошлаши мумкин.
Сентябрь ойида Англия терма жамоаси Миллатлар лигасининг янги мавсумининг дастлабки икки ўйинини ўтказади. Ли Карсли шогирдлари Ирландияга меҳмонда ва ўз майдонида Финляндияга қарши баҳс олиб боради.
