"Бавария" вингери Кингсли Коман яқин келажакда клубни тарк этмайди.
Франциялик футболчи ёзги трансфер ойнасида жамоани тарк этиши мумкин эди. Миш-мишларга кўра, футболчи "ПСЖ" ёки "Барселона"га ўтиши мумкин ва Саудия Арабистони чемпионати вакиллари ҳам қизиқиш билдиришган. Энди "Бавария" спорт директори Макс Эберль 28 ёшли футболчи камида мавсум охиригача қолишини тасдиқлади: "Ҳа, Кинг биз билан қолади", - дея функционернинг сўзларидан иқтибос келтиради журналист Максимилиан Кох.
Кингсли Коман жорий мавсумда “Бавария” сафида учта ўйинда майдонга тушиб, битта гол урди. Ҳар учала ҳолатда ҳам футболчи захирадан майдонга тушди.
